Dende a Universidade da Coruña traballamos en accións que nos permiten ser máis respectuosos co medio ambiente como compromiso para avanzar cara a un desenvolvemento sostible.
Oficina de Medio Ambiente
Dende a Oficina de Medio Ambiente (OMA) coordinamos, participamos e realizamos as actuacións ambientais levadas a cabo pola Universidade da Coruña.
As funcións da OMA sitúanse en dous campos fundamentais. Por unha banda, a xestión ambiental e por outra banda, a implicación e concienciación da comunidade universitaria.
GreenCampus
GreenCampus é un programa que permite instaurar procedementos de xestión ecolóxica nos centros pertencentes ás universidades.
Os principais obxectivos son:
- Implantar un sistema de xestión ambiental GreenCampus nos centros.
- Crear un Comité Ambiental e un Plan de Acción en cada centro.
GreenMetric
A clasificación GreenMetric é realizada pola Universidade de Indonesia anualmente e conta cun alcance internacional. Mide o esforzo das universidades en sustentabilidade, políticas de xestión e protección ambiental. Durante 2018 participaron universidades pertencentes a 81 países.
En 2018 a Universidade da Coruña segue manténdose como a primeira universidade galega na clasificación GreenMetric e continua dentro das 10 primeiras a nivel nacional, alcanzado o posto número 7. Ademais, é a número 93 a nivel mundial.
Pegada ecolóxica
Dentro do noso compromiso transparente por avanzar cara a un desenvolvemento sostible e respectuoso co medio ambiente, realizamos a medición da nosa pegada ecolóxica.
Por outra banda, gradualmente reducimos as emisións de CO2, diminuíndo o noso impacto a través de accións máis sostibles e respectuosas co medio ambiente.
Principais indicadores ambientais
Educando para a sustentabilidade
O programa levado a cabo coa colaboración da Fundación Alcoa, busca impulsar a aprendizaxe no aproveitamento de recursos e consumos relacionados co medio ambiente, especialmente nesta última edición coas enerxías renovables.
Avanzando cara unha universidade máis internacional
Programa berce
O programa contén unha serie de accións concretas destinadas tanto a investigadores e investigadoras da nosa Universidade como a persoal científico procedente de calquera parte do mundo que decidan desenvolver o seu proxecto do European Research Council na Universidade da Coruña.
- Atraer o talento excelente de calquera parte do mundo á UDC.
- Dar continuidade á carreira investigadora dentro da UDC.
- Incentivar a participación da UDC na Ciencia excelente do Programa H2020.
- Apoiar a confluencia de investigadores ás ERC grants.
Selo HRS4R
(Human Resources Strategy for Researchers)
Con esta acción plasmamos o noso compromiso de traballar por atraer ao mellor talento investigador, garantindo unha contorna de calidade e cubrindo as necesidades específicas para realizar os proxectos en condicións óptimas.
A entidade europea outorgounos o Selo HR Excellence in Research en 2017, identificándonos como unha contorna de traballo favorable para quenes investigan na nosa Universidade, poñendo en valor o noso compromiso coa súa contratación e avaliación transparente e responsable.
O recoñecemento foi obtido tras levar a cabo a análise e adaptación das políticas de recursos humanos dentro da estrutura organizativa da Universidade aos estándares citados.
Fomentando actividades de extensión
universitaria e relación coa contorna
Deporte
Na Universidade da Coruña contamos cunha Área de Deportes que traballa no noso compromiso cunha visión de promoción da actividade física e o deporte dentro da comunidade universitaria.
Buscamos mellorar a saúde e a condición física, garantindo o máximo aproveitamento dos recursos e das instalacións deportivas, así como canalizar a organización de actividades e competición no ámbito universitario.
Cultura
Dende a Universidade da Coruña contamos cunha Área de Cultura, dependente do Vicerreitorado de Estudantes, Participación e Extensión Universitaria, que ofrece exposicións, diferentes talleres, ciclos, teatro, danza e actividades de extensión universitaria que buscan dar resposta ás demandas culturais tanto das persoas que pertencen á comunidade universitaria como das que non son parte dela.
Cooperación e voluntariado
Contamos cunha Oficina de Cooperación e Voluntariado que ofrece servizos que canaliza e xestiona as demandas de participación en actuacións e iniciativas solidarias en busca do ben común por parte da comunidade universitaria na área de influencia da nosa Universidade.
As actividades sociais para o interese xeral que se realizan a través da Oficina de Cooperación e Voluntariado podemos clasificalas en catro grandes bloques:
Queres saber máis? Descarga a memoria completa memoria completa