Espazo Compartido é un programa promovido pola nosa Universidade que se centra na formación de habilidades persoais, sociais e competencias básicas, para a empregabilidade e a inclusión laboral da mocidade con discapacidade cognitiva.
Trátase dun proxecto que nace coa pretensión de abrir un espazo universitario a colectivos que non poden acceder polas canles de formación ordinarios.
Este programa é unha aposta decidida pola responsabilidade social universitaria, unha mostra do noso firme compromiso coa sociedade e co dereito a unha formación digna en igualdade de condicións.
InTalent UDC-Inditex
InTalent é un programa específico de colaboración entre a Universidade da Coruña e Inditex que persegue a contratación de investigadores e investigadoras posdoutorales con proxección e ampla traxectoria internacional baixo o criterio da excelencia. Diríxese a persoal científico de calquera nacionalidade que queiran desenvolver a súa actividade investigadora na nosa Universidade.
Buscamos a xeración, retención, recuperación e captación do talento investigador co obxectivo de crear un tecido de excelencia que nos permita posicionar á UDC. O obxectivo principal é situar á UDC como referente en captación do talento investigador.
O programa ofrece:
- Contrato de ata tres anos na UDC
- Salario de 45.000 € /ano
- 30.000 €/proxecto para investigación propia
- 1.000 € para traslado e instalación
- Asesoramento técnico
- Instalacións para a execución do proxecto
En 2018, publicouse a terceira convocatoria que desembocará na contratación dun investigador e unha investigadora que se unirán ás 4 persoas contratadas na actualidade, recibindo máis de 100 solicitudes procedentes de 4 continentes e 26 nacionalidades.
Nesta convocatoria a distribución segundo a área de investigación foi:
Estancias predoutorais Inditex-UDC
A Universidade da Coruña, a través da nosa Escola Internacional de Doutoramento ( EIDUDC), xunto con Inditex, convoca axudas para realizar estancias predoutorais no estranxeiro.
O obxecto principal desta convocatoria é facilitar a persoas que finalizasen os seus estudos de doutoramento na UDC, a estancia nun centro de investigación no estranxeiro para complementar a súa formación.
Actividade durante as últimas catro edicións:
Programa Laboralia
Programa de orientación laboral dirixido ao alumnado e persoas recentemente tituladas que xorde da colaboración entre o Consello Social da nosa Universidade, a Fundación Universidade da Coruña e a Fundación Ronsel.
Mediante unha metodoloxía práctica e de asesoramento personalizado buscamos ser útiles para trasladar e comprender as dinámicas do mercado laboral, co fin último de aumentar o éxito na procura de emprego.
Por tanto, o principal obxectivo é:
- Contribuír a mellorar a inserción laboral e fomentar a cultura emprendedora no ámbito universitario.
Fundación Universidade da Coruña
A Fundación Universidade dá Coruña ( FUAC), é unha organización non lucrativa que xestiona o desenvolvemento e o apoio ao financiamento de iniciativas da Universidade da Coruña.
A misión da FUAC é:
- Promover a investigación, a formación, o emprego e a transferencia de coñecemento en colaboración coa nosa Universidade, impulsando a participación de entidades públicas e privadas no desenvolvemento social e económico da sociedade.
Emprego
Xestión dos recursos humanos para conectar a motivación do alumnado en comezar unha carreira profesional e a búsqueda por parte das empresas do talento, acompañando a alumnas e alumnos ao longo de todo o proceso.
Formación
Baixo a dirección do persoal docente e investigador da UDC, realízanse diversos programas formativos que buscan dar resposta á demanda da contorna.
Investigación e transferencia
Nexo nos acordos entre o tecido empresarial e o persoal docente e investigador da nosa Universidade, fomentando a transferencia de coñecemento científico á sociedade.
Viveiro de empresas innovadoras da UDC
Na Universidade da Coruña temos entre os nosos obxectivos prioritarios o desenvolvemento profesional dos membros da comunidade universitaria. Atendendo á crecente demanda de espazos para empresas, creouse en 2004 o Viveiro de empresas da Universidade da Coruña, co compromiso de acoller e axudar á xente emprendedora na posta en marcha e supervivencia dos seus proxectos empresariais.
As iniciativas levadas a cabo e as startups creadas no periodo 2016-2018 foron:
Spin-off
As spin- off son empresas con base tecnolóxica ou de coñecemento adquirido na universidade, empresas que se crean co fin de explotar comercialmente resultados de investigación da institución.
O traballo neste campo é integral. Comeza coa análise da tecnoloxía e tutorización de plan de empresa ata a asistencia na constitución propia e seguimento posterior. Ata a data, creáronse 12 spin-off participadas pola UDC.
Empresa asociada
Empresas participadas por membros da comunidade universitaria que teñan vinculación coa Universidade mediante colaboracións que fomenten o emprego, a investigación e a transferencia.
Estas empresas non están participadas nin controladas pola UDC e non se recolle ningunha vinculación máis aló de recoñecelas temporalmente como unha colaboración especial.
Queres saber máis? Descarga a memoria completa memoria completa